အင်တာနက်နဲ့မကင်းနိုင်သူတိုင်း သိထားသင့်တဲ့ အံ့သြစရာအချက်များ - ညီလတ်ထွန်း(နည်းပညာ)

728x90 AdSpace

Trending

အင်တာနက်နဲ့မကင်းနိုင်သူတိုင်း သိထားသင့်တဲ့ အံ့သြစရာအချက်များ

လက်ရှိခေတ်မှာ လူအများစုအတွက် မရှိမဖြစ် အရေးပါတဲ့အရာတစ်ခုကို ပြောပါဆိုရင် အင်တာနက်လို့ပဲ ပြောရမှာပါ။ ဆိုရှယ်မီဒီယာတွေကနေ ပရောဂျက်တွေလုပ်တာ၊ သတင်းအချက်အလက်တွေ စုဆောင်းတာအထိ အင်တာနက်မရှိဘဲ ရှေ့မဆက်နိုင်လို့ပါပဲ။ တကယ်လို့ ရက်ပိုင်းလောက်သာ အင်တာနက်မရှိဘဲ နေထိုင်ရမယ်ဆိုရင် လုပ်ငန်းတော်တော်များများမှာ ထိခိုက်ဆုံးရှုံးမှုတွေ များပြားနိုင်သလို ဆိုရှယ်မီဒီယာနဲ့ အသက်ဆက်နေသူတွေကလည်း ခြေမကိုင်မိ၊ လက်မကိုင်မိ ဖြစ်ကုန်ကြမှာပါ။ ဒီလို အရေးပါတဲ့ အင်တာနက်နဲ့ ပတ်သက်နေတဲ့ စိတ်ဝင်စားစရာ အချက်တွေကိုတော့ စာရေးသူတို့ တော်တော်များများ သတိမမူမိကြပါဘူး။ အင်တာနက်သုံးသူတိုင်း သိထားသင့်တဲ့ စိတ်ဝင်စားစရာအချက်ကလေးတွေကတော့ …
၁။ အင်တာနက်သုံးသူဦးရေ
********************
အောက်တိုဘာလ ၂၀၁၈ခုနှစ်အထိ တွက်ချက်မှုများအရ လက်ရှိအင်တာနက်သုံးစွဲသူ လူဦးရေမှာ (၄.၂)ဘီလျံပတ်ဝန်းကျင်ရှိပြီး လက်ရှိကမ္ဘာ့လူဦးရေ(၇.၇)ဘီလျံနဲ့ယှဉ်ရင် ထက်ဝက်ကျော်ဟာ အင်တာနက်သုံးစွဲနေကြတာကို တွေ့ရပါတယ်။ အင်တာနက်သုံးစွဲနေတဲ့ လူဦးရေထဲကမှ ထက်ဝက်လောက်ကတော့ အာရှတိုက်က ဖြစ်ပါတယ်။
၂။ Facebook သုံးသူဦးရေ
**********************
လက်ရှိ Facebook သုံးစွဲသူအရေအတွက်ဟာ (၂)ဘီလျံကျော်ရှိတဲ့အတွက် ကမ္ဘာ့လူဦးရေနဲ့ယှဉ်ရင် ထက်ဝက်ပါ။ တကယ်လို့ Facebook ကြီးကသာ တိုင်းပြည်တစ်ပြည်ဖြစ်မယ်ဆိုရင် ကမ္ဘာပေါ်မှာ လူဦးရေအသိပ်သည်းဆုံးနိုင်ငံ ဖြစ်နေမှာပါ။
၃။ နေ့စဉ်ဟက်ခံနေရတဲ့ ၀က်ဘ်ဆိုဒ်များ
****************************
ဝက်ဘ်ဆိုဒ်ပေါင်းသုံးသောင်းခန့်ဟာ နေ့စဉ်နဲ့အမျှ အဟက်ခံနေရပါတယ်။ ဆိုင်ဘာအကြမ်းဖက်သမားတွေဟာ အားနည်းချက်ရှိတဲ့ ၀က်ဘ်ဆိုဒ်တွေကို အလိုလျောက်ရှာဖွေပေးနိုင်တဲ့ စွမ်းဆောင်ရည်မြင့် ကွန်ပျူတာဆော့ဖ်ဝဲတွေ အသုံးပြုပြီး အလွယ်တကူ ထိန်းချုပ်နိုင်ကြပါတယ်။
၎။ တစ်မိနစ်စီတိုင်းပို့လွှတ်နေတဲ့ အီးမေးလ်အရေအတွက်
****************************************
အင်တာနက်ဟာ တစ်မိနစ်ကို အီးမေးလ်အစောင်ပေါင်း (၂၀၄)သန်းခန့် ပို့လွှတ်ပေးနေပါတယ်။ အဲ့ဒီ့ပို့လွှတ်လိုက်တဲ့ အီးမေးလ်တွေရဲ့ (၇၀)ရာခိုင်နှုန်းကတော့ spam တွေ ဖြစ်သွားကြပါတယ်။ အီးမေးလ်တစ်စောင် ပို့လွှတ်ဖို့အတွက် လိုအပ်တဲ့ အီလက်ထရွန်အရေအတွက်ကတော့ (၂)ဘီလျံပါ။
၅။ အင်တာနက်အတွက် လိုအပ်တဲ့စွမ်းအင်
******************************
အင်တာနက်ဟာ လက်ရှိအခြေအနေအတိုင်း လည်ပတ်နေဖို့အတွက် မြင်းကောင်ရေအား သန်း(၅၀)ခန့် စွမ်းအင်လိုအပ်ပါတယ်။ ၂၀၀၅ခုနှစ်တုန်းက အမြန်ဆုံးအင်တာနက် နှုန်းထားဟာ တစ်စက္ကန့်ကို 2 MB သာရှိခဲ့ပါတယ်။ ဒီနေ့ခေတ်မှာတော့ တစ်စက္ကန့်ကို 100 MB ဒေါင်းလုဒ်အမြန်နှုန်း ရရှိတဲ့ နိုင်ငံအများအပြား ရှိနေပါပြီ။
၆။ အင်တာနက်နဲ့ World Wide Web ဟာမတူပါဘူး။
*****************************************
အင်တာနက်သုံးနေတဲ့ လူအများစုဟာ အင်တာနက်ဆိုတာနဲ့ WWW dot ဆိုတာနဲ့စတဲ့ World Wide Web ကို အတူတူပဲလို့ ထင်ထားကြပါတယ်။ ဒါပေမယ့် အဲ့ဒီ့နှစ်ခုဟာ တော်တော်လေး ကွဲပြားပါတယ်။ အင်တာနက်ဟာ ကွန်ပျူတာတွေကြားမှာ အချင်းချင်းဆက်သွယ်လို့ရအောင် စွမ်းဆောင်ပေးတဲ့ ကွန်ယက်ဖြစ်ပြီး World Wide Web ဆိုတာကတော့ သတင်းအချက်အလက် ရယူဖို့နဲ့ မျှဝေဖို့အတွက် ကြားခံစွမ်းဆောင်ပေးတဲ့ ပေါင်းကူးတံတားမျှသာ ဖြစ်ပါတယ်။
၇။ Online Dating Apps တွေရဲ့ အံ့သြစရာအမြတ်အစွန်း
**********************************************
အွန်လိုင်းမှာ ချစ်သူရှာပေးတဲ့ ၀န်ဆောင်မှုကိုပေးစွမ်းတဲ့ Online Dating Apps တွေကို လူတော်တော်များများ သိကြမှာပါ။ ဒါတွေကို တွေ့လိုက်ရင် လူအများစုက ကြောင်တောင်တောင်နိုင်တယ်လို့ ထင်နိုင်ပေမယ့် သူ့ဆီကရလာတဲ့ အမြတ်အစွန်းကတော့ ကြောက်ခမန်းလိလိပါပဲ။ မကြာသေးခင်က ရရှိတဲ့ စစ်တမ်းများအရ နှစ်စဉ်နှစ်တိုင်းမှာ Online Dating Apps တွေက ရရှိတဲ့ အမြတ်အစွန်းဟာ ဒေါ်လာဘီလျံကျော်ရှိနေပါတယ်။


Writing By Teacher




အားလုံးကိုခင်မင်လျှက်
ညီလတ်ထွန်း(နည်းပညာ)
www.nyilattun.com

အင်တာနက်နဲ့မကင်းနိုင်သူတိုင်း သိထားသင့်တဲ့ အံ့သြစရာအချက်များ Reviewed by ညီလတ်ထွန်း(နည်းပညာ) on 10:14 AM Rating: 5 လက်ရှိခေတ်မှာ လူအများစုအတွက် မရှိမဖြစ် အရေးပါတဲ့အရာတစ်ခုကို ပြောပါဆိုရင် အင်တာနက်လို့ပဲ ပြောရမှာပါ။ ဆိုရှယ်မီဒီယာတွေကနေ ပရောဂျက်တွေလုပ်တ...

No comments: