မြန်မာ့ရိုးရာဂီတရဲ့သမိုင်းမှာ အထင်အရှားဖြစ်ခဲ့တဲ့ သီချင်းအပုဒ်တစ်ထောင်ကို တစ်ကမ္ဘာလုံးကို ဖြန့်ချိမယ့် ဂီတမှူး ဓီရာမိုရ် - ညီလတ်ထွန်း(နည်းပညာ)

728x90 AdSpace

Trending

မြန်မာ့ရိုးရာဂီတရဲ့သမိုင်းမှာ အထင်အရှားဖြစ်ခဲ့တဲ့ သီချင်းအပုဒ်တစ်ထောင်ကို တစ်ကမ္ဘာလုံးကို ဖြန့်ချိမယ့် ဂီတမှူး ဓီရာမိုရ်

လူငယ်တစ်ယောက်အနေနဲ့ ဂီတနဲ့ပတ်သက်ပြီး တူရိယာတစ်ခုခုကို စတင်တီးခတ်ဖို့ သင်ကြားတော့မယ်ဆိုရင် မြန်မာ့ရိုးရာတူရိယာထက် အနောက်တိုင်းတူရိယာတွေကိုသာ စိတ်ဝင်တစားရှိကြတာ ယနေ့ခေတ်ပါ။ မြန်မာ့တူရိယာတွေကို လူငယ်တွေ ဘာကြောင့် စိတ်ဝင်စားမှု နည်းတာလဲဆိုတာက လေ့လာရမယ့်အချက်တစ်ချက်ပါ။ ဒီအကြောင်းအရာနဲ့ပတ်သက်ပြီး ဂီတမှူးတစ်ယောက်ဖြစ်တဲ့ အကယ်ဒမီဓီရာမိုရ်ကို တီးခေါက်ကြည့်မိတဲ့အခါ...
"မြန်မာ့ဂီတနဲ့ မြန်မာ့တူရိယာတွေက အရင်သတ်မှတ်ထားတဲ့ ပုံစံထဲမှာပဲ နေနေတာပိုများတယ်။ ဥပမာပြောရရင် ဗီယက်နမ်နိုင်ငံတို့၊ တရုတ်နိုင်ငံတို့၊ ဂျပန်နိုင်ငံတို့က သူတို့တူရိယာတွေကို Modified လုပ်တယ်။ ပေါင်းစပ်ဖို့လွယ်ကူအောင် ပိုပြီးမြှင့်တင်တယ်။ ခေတ်မီအောင်လုပ်တယ်ပေါ့။ မြန်မာပြည်မှာကျတော့ အခုအချိန်ထိ အဲဒီလိုမျိုးမလုပ်သေးဘူး။ ရိုးရာကို ရိုးရာနယ်ပယ်မှာပဲထားပြီး အဲဒါကို တသီးတသန့်တန်ဖိုးထားပြီး နေတဲ့သူမျိုးတွေကပိုများတယ်။ အဲဒါကြောင့်မို့လည်း လူငယ်တွေရဲ့စိတ်ဝင်စားမှုက ဂစ်တာတို့၊ စန္ဒယားတို့၊ ကီးဘုတ်တို့ဘက်မှာ ပိုများတယ်။ ဒါတွေကျတော့ အသံမျိုးစုံထွက်တယ်။ ဟိုဘက်မှာကျတော့ အသံမျိုးစုံထွက်ဖို့ တော်တော်ကြိုးစားရတယ်။ စိတ်ဝင်စားမှုကလည်း အဲဒီလောက်ကြီး မကောင်းဘူး။ အဲဒီလိုမျိုးနဲ့ပဲ အခုလက်ရှိက Run နေကြတာပေါ့။ သူ့အပိုင်းနဲ့သူ သွားနေတာပေါ့။ လူငယ်တွေက မသိသေးတာလည်းပါတယ်။ မြန်မာ့ဂီတဆိုတာ စိတ်ဝင်စားစရာတွေ အများကြီးပါပဲ" လို့ ဓီရာမိုရ်ကပြောပါတယ်။ ဓီရာမိုရ်ကတော့ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်) (ဂီတပညာဌာန)မှာ ပါမောက္ခတစ်ဦးအနေနဲ့လည်း Music Composing and Music Theory တွေကို သင်ကြားပြသနေသူပါ။ ဂီတပိုင်းအနေနဲ့လည်း သူ့ရဲ့ဂီတကဗျာတီးဝိုင်း၊ ယဉ်ကျေးမှုတက္ကသိုလ်က ကျောင်းသားတွေရဲ့ တီးဝိုင်းတွေနဲ့အတူ မြန်မာမှုနဲ့ နိုင်ငံခြားဂီတတွေကို ပေါင်းစပ်ပြီး Arrangement တွေ ပြုလုပ်လေ့ရှိပါတယ်။ ထင်ရှားတဲ့ဥပမာအနေနဲ့ဆိုရင် ၂၀၁၃ ခုနှစ် ဆီးဂိမ်းတုန်းက ဖွင့်ပွဲ၊ ပိတ်ပွဲတွေ မှာ ဂီတကို Arrangement လုပ်ခဲ့တဲ့သူက ဂီတမှူးဓီရာမိုရ်ပါ။ မြန်မာသံစဉ်နဲ့ နိုင်ငံခြားသံစဉ်ကို ပေါင်းစပ် ပြီး ဂီတတစ်ခုအဖြစ်ဖန်တီးရတဲ့ အတွေ့အကြုံကို မေးမြန်းဖြစ်တဲ့အခါ...
"အဓိကကတော့ တူရိယာမှာရှိနေတဲ့ ဖွဲ့စည်းတည်ဆောက်ပုံပေါ့နော်။ သံစဉ်တွေရဲ့ ဖွဲ့စည်းတည် ဆောက်ပုံကို အဓိကလေ့လာရတာပေါ့။ အဲဒီဖွဲ့စည်းတည်ဆောက်ပုံကို အခြေခံပြီးတော့ပဲ ပေါင်းစပ်တာ တွေလုပ်ရတယ်။ ဥပမာ စောင်းဆိုလို့ရှိရင် ၅ သံကိုညှိတယ်၊ ဆိုင်းဆိုလို့ရှိရင် ၅ သံကိုဘယ်မှာညှိတယ်။ ညာဘက်မှာ ၇ သံညှိတယ်။ အဲဒါမျိုးတွေရှိတာပေါ့။ အဲဒါတွေကို အဓိကလေ့လာပြီးတော့ ညီမျှအောင် လေ့လာရတာပေါ့။ မဖြစ်နိုင်တာကို သွားပေါင်းစပ်လို့ရှိရင်လည်း အဆင်မပြေဘူးလေ" လို့ ဓီရာမိုရ်ကပြော ပါတယ်။ မြန်မာ့ရိုးရာဂီတစစ်စစ်ကို နားဆင်နိုင်မယ့်၊ လေ့လာနိုင်မယ့် Project တစ်ခုကိုလည်း ဓီရာမိုရ်က စီစဉ်နေပါတယ်။ အဲဒါကတော့...
"ကျွန်တော်က Beauty of Tradition ဆိုပြီးလုပ်တယ်။ သီချင်းအပုဒ်တစ်ထောင်ပေါ့နော်။ Library လုပ်နေတယ်။ အဲဒါကတော့ Project လည်းကြီးသွားတယ်။ မပိုင် မနိုင်ဘဲနဲ့လည်း မထုတ်ချင်တဲ့အတွက် ပထမဦးဆုံး Library အရင်လုပ်မယ်။ လုပ်ပြီးတော့မှပဲ ထုတ်တော့မယ်လို့ စဉ်းစားလိုက်တယ်။ Beauty of Tradition ဆိုတာကတော့ မြန်မာပြည်မှာ ဂီတဆိုပြီး စပေါ်လာခဲ့တဲ့ ခေတ်ကနေစပြီးတော့ အခုအချိန် ထိရှင်သန်နေတဲ့ မြန်မာ့ရိုးရာဂီတရဲ့သမိုင်းမှာ အထင်အရှားဖြစ်ခဲ့တဲ့ သီချင်းတွေအားလုံးကို စုထားတဲ့သ ဘောပါပဲ"လို့ သိရပါတယ်။ သီချင်းအပုဒ်တစ်ထောင်ဆိုတော့ ထွက်ဖို့အဆင်သင့်ဖြစ်ခဲ့ပြီဆိုရင် ဘယ်လို ဖြန့်ချိသွားမလဲလို့ ဆက်လက်မေးဖြစ်တဲ့အခါ...
"iTunes တို့လိုမျိုးနဲ့ အင်တာနက်ကနေ ဖြန့်ချိဖို့က တစ်ဖက်ပေါ့။ တစ်ကမ္ဘာလုံးကိုဖြန့်ပါမယ်။ နောက်တစ်ခုကကျတော့ Package ပေါ့။ ဘူးနဲ့ စာအုပ်နဲ့ပေါ့။ အဲဒါမျိုးတွေကတော့ လေ့လာတဲ့သူတွေကို ရည်ရွယ်ပါတယ်။ ဥပမာ နိုင်ငံတကာက ဂီတတက္ကသိုလ်တွေမှာ Reference လုပ်ရတဲ့အဆင့်ပေါ့။ တစ်ခုက အင်တာနက်ကသွားမယ်။ နောက်တစ်ခုက ဘူးနဲ့သွားမယ်။ အဲဒီလိုမျိုးစဉ်းစားထားတယ်။ ပြည်တွင်း က စိတ်ဝင်စားမယ့်သူတွေ အတွက်ကိုလည်း စောင်းဆို စောင်း၊ ပတ္တလားဆို ပတ္တလား သီးသန့် Collection လုပ်ဖို့ စဉ်းစားထားတယ်။ အမျိုးမျိုးပါပဲ" လို့ ဓီရာမိုရ်က ပြောပြခဲ့ပါတယ်။

From Popular Journal

မြန်မာ့ရိုးရာဂီတရဲ့သမိုင်းမှာ အထင်အရှားဖြစ်ခဲ့တဲ့ သီချင်းအပုဒ်တစ်ထောင်ကို တစ်ကမ္ဘာလုံးကို ဖြန့်ချိမယ့် ဂီတမှူး ဓီရာမိုရ် Reviewed by ညီလတ်ထွန်း(နည်းပညာ) on 8:39 AM Rating: 5   လူငယ်တစ်ယောက်အနေနဲ့ ဂီတနဲ့ပတ်သက်ပြီး တူရိယာတစ်ခုခုကို စတင်တီးခတ်ဖို့ သင်ကြားတော့မယ်ဆိုရင် မြန်မာ့ရိုးရာတူရိယာထက် အနောက်တိုင်းတူရိယာတွေ...

No comments: