Google Now on Tap မှာ အပြင်ကစာတွေကိုဓာတ်ပုံရိုက်လိုက်ရုံနဲ့ ရှာဖွေမှုပြုလုပ်နိုင်ပြီ(March 10, 2016) - ညီလတ်ထွန်း(နည်းပညာ)

728x90 AdSpace

Trending

Google Now on Tap မှာ အပြင်ကစာတွေကိုဓာတ်ပုံရိုက်လိုက်ရုံနဲ့ ရှာဖွေမှုပြုလုပ်နိုင်ပြီ(March 10, 2016)

Google Now ဆိုတာ Android ဖုန်းတွေအတွက် AI စနစ်သုံး ဒီဂျစ်တယ်အထောက်အကူပြုဆော့ဖ်ဝဲ (digital assistant) တစ်ခုဖြစ်ပြီး၊ အသံနဲ့တင် ဖုန်းကို လုပ်ဆောင်ချက်အများအပြားစေခိုင်းနိုင်တဲ့ အမိုက်စား AI ဆော့ဖ်ဝဲတစ်ခုဖြစ်ပါတယ်။
၂၀၁၅ ခုနှစ်မှာ Google ဟာ Now on Tap ဆိုတဲ့ feature တစ်ခုကို Google Now မှာ ထပ်မံထည့်သွင်းပေးခဲ့ပါတယ်။ Now on Tap ဟာ app တစ်ခုခုထဲ ၀င်နေရင်းနဲ့၊ ကိုယ်မသိတာတွေ့လို့ ရှာချင်တဲ့အခါ app အပြင်ထွက်စရာမလိုဘဲ၊ Home ခလုတ်ကို ဖိထားလိုက်ရုံနဲ့ ဖုန်းတွင်း screen မှာပေါ်နေတဲ့အရာတွေကို (ဥပမာ – သူငယ်ချင်းတစ်ယောက်က မက်ဆေ့ပို့လိုက်တဲ့ စားသောက်ဆိုင်တစ်ဆိုင်) အလိုလိုရှာဖွေမှုလုပ်ပေးနိုင်အောင် စွမ်းဆောင်ပေးနိုင်ပါတယ်။
အခုအခါမှာတော့ Google ဟာ OCR လို့ခေါ်တဲ့ ပုံရိပ်စာသားဖတ်နည်းပညာတစ်ခုကို Google Now on Tap မှာ ထပ်မံထည့်သွင်းပေးလိုက်ပြန်ပါတယ်။
ဒီ feature ကို အသုံးပြုပုံကတော့ ကိုယ်အပြင်မှာတွေ့နေရတဲ့ ဓာတ်ပုံတစ်ပုံပုံက စာသား၊ ဒါမှမဟုတ် စာသားတစ်ခုခုကို သိချင်တဲ့အခါ ဖုန်းကင်မရာကနေ ဓာတ်ပုံရိုက်ပြီး၊ ဓာတ်ပုံကိုဖွင့်လိုက်ပါ။ ထို့နောက် Home ခလုတ်ကို ဖိထားလိုက်ရုံနဲ့ Google က အဆိုပါပုံပါ စာသားအကြောင်းအရာကို အလိုအလျောက်ရှာဖွေမှု ပြုလုပ်ပေးသွားမှာ ဖြစ်ပါတယ်။
လက်ရှိမှာတော့၊ ဒီ OCR feature ကို ဖုန်းအမျိုးအစားအကုန်လုံးမှာမရရှိသေးဘဲ၊ Android 6.0 Marshmallow တင်ထားတဲ့ တစ်ချို့ဖုန်းတွေမှာပဲ ရရှိတာကို တွေ့ရပါတယ်။
ရှာဖွေမှုရလဒ်တွေက အခုချိန်မှာ ပြီးပြည့်စုံကောင်းမွန်မှု မရှိသေးပေမယ့်၊ တကယ်အသုံးဝင်တဲ့ feature အသစ်တစ်ခုဖြစ်ပြီး၊ Google က ပြင်ဆင်မွမ်းမံမှုတွေ လုပ်ဦးမှာဖြစ်ပါတယ်။
Ref: Android Police
Credit to  digitaltimes


                                                          www.nyilattun.com
Google Now on Tap မှာ အပြင်ကစာတွေကိုဓာတ်ပုံရိုက်လိုက်ရုံနဲ့ ရှာဖွေမှုပြုလုပ်နိုင်ပြီ(March 10, 2016) Reviewed by ညီလတ်ထွန်း(နည်းပညာ) on 9:46 AM Rating: 5 Google Now ဆိုတာ Android ဖုန်းတွေအတွက် AI စနစ်သုံး ဒီဂျစ်တယ်အထောက်အကူပြုဆော့ဖ်ဝဲ (digital assistant) ...

No comments: